الاخوة الاعزاء السلام عليكم ورحمة الله وبركاته
يسعدني ان اقدم لكم هذه المحاورة الرائعة بين الشاعرين محمد بن عبيد الربيقي والشاعر سعيد القحم المطيري والتي اقيمت بتاريخ 15/12/1428هـ
واليكم المحاورة
محمد الربيقي
هلا يامرحبا بضيوف من رحب وقام وجاب=مواجيب الضيوف وقدم اللـي يستحقونـه
يقولون النجوم احيان تخلف حسبة الحساب=وهذا ياسعيـد فـي بلدكـم وش تسمونـه
سعيد القحم
عسى فيك البقا يا شاعرن تكفي عن الغياب=على قول المثل حنا نقول اللـي تقولونـه
يمر الوقت مالك يالبنادم في جفـاه اعتـاب=حسابـه عنـد ربـي والاوادم مايعدونـه
محمد الربيقي
قبل تبدا المدارس ياسعيد ذكـر الطـلاب=ترى الطلاب كاننك نسيت الدرس ينسونه
اظنك للسوالف فالبدايه ماحسبت احساب=على قول المثل كلن زهابه وسط ماعونه
سعيد القحم
مدارسك القديمه وقفوا مـن دونهـا الكتـاب=عساكـم تعرفـون العـلـم والا لاتعرفـونـه
نصاك من البحر حوته نصاك من الطيور عقاب=وانا ماني غشيـمٍ يخبـط الشجـره بحاجونـه
محمد الربيقي
حلالك عقب زكاه المزكي راح نص انصاب=ولكن عقبها ويش الحلال اللـي تزكونـه
انا ماقول غير الله يعينه عقب راسه شاب=سعيد من كثر تل العصب كد طحت سنونه
سعيد القحم
انا عرف الفقير اللي حلاله في يده مشعاب=ليا شاف الغناوي يحترق وتحمـر عيونـه
انا ماني بشايب من على الدنيا وديع اركاب=لكن انته معك مجنون لابس ثوب مجنونـه
محمد الربيقي
الا يلي عيونك حمر ماندري وش الاسباب=اثر هذا السبب شاب الولد ماخلص ديونه
وتقبلوا تحياتي الواصــــل