المشاركة الأصلية كتبت بواسطة الدبلوماسي

لا تعتـذر ماعـاد للعـذر داعـي=جرح المـودة ماتداويـه الأعـذار
ملّت يدي من طول مـدة ذراعـي=ماجاد بك حظي على غير ماأختار
حاولت أقرّب لـك بقـدر استطاعـي=وأنته تباعد خطوتي عشرة امتـار
قول السبب تكفى وخلـه مذاعـي=يمكن تطفي كلمتك شعلـة النـار
اللي لظاها صدق والا اصطناعـي=خلاني أمشي تايه الفكـر محتـار
حاولت بالطييب وكـل المساعـي=وارسلت أهل الخير واندبت كفـار
لدغات هجرانـك وسـم الأفاعـي=أهون على قلبي من فراقك الضـار
بعد ما شراكم مو غريبـه يباعـي=ويرخص فوسط السوق بيدين تجار
والطعنه الكبرى ليا كنـت واعـي=بالنوم تنشر كل السوالف بمنشـار
بالكذب معذارٍ قفى حـق ضاعـي=وش ينفع المظلوم لو جيت بالدار
لا تعتـذر ماعـاد للعـذر داعـي=انته حبيب القلب لو صار ما صار