يالهاب ششت مع المهار الاصايل=ومهرتك سابق بالعيون الجليله
بينك وبين محققين الاوايل=مابين كدش خيولهم والاصيله
ياحصان حرب اللي عملت الهوايل=في شاعر المليون واحييت ليله
بالأربع وعشرين صغت المثايل=وقولٍ بلا برهان يرجع فشيله
برهانها قطفت ورود الخمايل=في خايعٍ نوَار نبته دليله
والمفردات اكبر لك الله دلايل=ماهي لعاوات البيوت الهزيله
واللجنه اللي ما انصفت كل طايل=من فالك البيرق لما فيك حيله
عنها القصيد ابعد من ابهى لحايل=وابعد من الطوله لكفٍ بخيله
رجال يدحم للقبيله قبايل=وانت لعوارف حرب تسوى قبيله
وان ناش خشم الزند روس الفتايل=كل الحروب الهاب زند وفتيله
فيك الثقه ما زعزعتها الحبايل=حازت بنات افكارك المستحيله
والمنصف اللي بالكلام يتحايل=الله و اعلم بين عدله وميله
ولاَ انت جمهورك بشتى الوسايل=والله مدري كيف يبرد غليله
اوحى هدير الزمل واوحى الرحايل=كن الخليج بظلمك اسمع عويله
ماشفت بعيوني نجوم القوايل=لين اقصت اللجنه سفير الفضيله
غاية بعيد الشوح شمس الفضايل=لو قالوا الغايه تبرر وسيله
وكان الامانه تبكي لحال مايل=ترى بكاها من لهاب ورحيله