جات ليله كنت فيها مكتئب= ورحت وحدي فالبراري واتكيت
وقمت اشب النار واوقد بالحطب= وابدع القيفان بيتٍ سد بيت
وان هذاك الجيب لكزس يقترب= ولبق بجنبي على قد الونيت
ثم نزلت منه بنتٍ تلتهب= شفتها ؟وسويت نفسي مادريت
وجاتني بالوجه مافوقه حجب= وناظرت فيه وتهت ولااغتضيت
وهل دمعي من دموعي وانسكب= هلت دموعي بغفله مابكيت
قالت الله يحفظك يابن العرب= وش حصلك ياولد ليش استحيت
قلت ..والله..شفت فالدنيا العجب=بس مثلك لا وربي مالقيت
وكم قريت من الغزل شعر انكتب= لكن فوصفة جمالك ماقريت
وياما شفت عيون تغري بالهدب= لو تناظر في منها ما اشتقيت
لكن عيونك ترى والله تعب= يوم ناظرتي بعينك ماقويت
والجمال فجسمك خصال وشعب= لو بعدد في وصوفك ماحصيت
شوفتك خلتني فعشق وطرب= تهت في حبك وعشقك وابتليت
واستريحي عندي بزين الرحب= والله اني من حلاتك مااكتفيت
ثم لدت في وقالت لي shut up =لو دريت انك تبيني ماحييت
ولا تحسب اني لفيتك لي طلب= كنت في ميعاد مع خلي وغويت
قلت بالله؟؟؟ اثر ماعندك ادب= ياخسااااره معك انا خذت وعطيت
كل مدحٍ قلته آنا لك ركب= بس كنت ابغى اتسلى ولا هويت
ولاهويتك لو تزيديني ذهب= روْحي راحت عيونك كنبليت
وروْحت ورجعت انا حول اللهب= في كآآبه ابتديت وانتهيت