راشد السحيمي
الليلـه الملعبـه بالخيـر محفوفـه
والناس كلن بنفسه شايف شوفـه
لكن الاهداف منظـوره ومعروفـه
تبي الصراحه حقوق الطبع محفوظه
السماء صافيه مير المصابيح وين
يالعل السماء تطلـع مصابيحهـا
صار سلطان مثل معايد القريتين
عنده قفول ومضيـع مفاتيحهـا
ســلـــطـــان الــهـــاجـــري
ياحرب صياف له عامين متقاعـد
والطايره تنتظر طايـر ومساعـد
الله يعينك تمثل حـرب ياراشـد
تبي الحقيقه حقوق الطبع محفوظه
السماءصافيه والهرش جر الحنين
والنشامـى توميلـه مسابيحهـا
انتهت فترة الاشواط والركلتيـن
وانت حظك على ركلات ترجيحها
راشد السحيمي
إن غاب صياف مانترك مواقفنـا
اللـي تشرفبنـا وهـي تشرفنـا
الانس والجن ياسلطـان تعرفنـا
تبي الحقيقه حقوق الطبع محفوظه
باقة الورد جايبها المسافـر منيـن
وش تبى بالورود اليا اختلف ريحها
انت يمناك محفوفه بسمن وسميـن
الله انه يسامـح حـرب ويبيحهـا
ســــــلـــــــطـــــــان
والنعم في موقفك والموقف الاول
اللي يهول عقول الناس ويهـول
في راس قمت جبل ماهو بمتحول
تبي الحقيقه حقوق الطبع محفوظه
جاتكم من يسار وجاتكم من يمين
الصقاقير تومي فـي ملاويحهـا
الله انه يعز المسلمين اجمعيـن
والليالي متى تبرى مجاريحهـا
راشد السحيمي
يالهاجري من زمـان ادور الفرصـه
كلن من اصحابنا ينفخ علـى قرصـه
من عقب برج التجاره غليت البورصه
تبي الحقيقه حقوق الطبـع محفوظـه
راحت العنصريه روحت الاولين
واضحه ماطلبنا منك توضيحها
الله انه يهدي سركـم الدفيـن
فيه حاجات مختلفه ملاميحهـا
ســــــلـــــــطـــــــان
والنعم ياصاحبي وافي ولد وافي
والليله الليل ميقافـك وميقافـي
الله يعزك ويشفي عوق صيافـي
تبي الحقيقهحقوق الطبع محفوظه
مير ماتصلح الحجه بدون القرين
صلحوها ولو ياصعـب تصليحهـا
انت مثل الاسد واخوك مثل العرين
خلنا نجمـع الاسـرار ونبيحهـا
راشد السحيمي
مشكور يالهاجري ياطيب السيـرة
وابشرك لاجلس صياف جاء غيره
واللي يحاول يساعدنا كثـر خيـره
تبي الصراحه حقوق الطبع محفوظه
انشد اهل النجف وين الحسن والحسين
قـول ياويـح اهـل بغـداد ياويحهـا
انت وقت مضـى ماتنظـر الا بعيـن
تطلـب النـاس وتجـدد تصاريحهـا