هـاض الضميـر ولانويـت الاثــاره= والشعـر لاحـرك هجوسـي تـلافـن
مهما ابعدن .. للقرب ( رهن الاشـاره )= وأنـا أوظفهـن علـى الحاجـه بـفـن
والشعـر ماهـو راس مـال وتـجـاره= لكـن يفيَـض حزنـي اللـي تـكـوَن
ولو كانه ( أوسع ) من ( شمول العباره )= ولاهو مـن اللـي فـي ثوانـي يـدوَن
ميعاد حطم في حضـوره . . حضـاره= خل الدمـوع مـن المآآآآآقـي يفيضـن
ليـت الحـزن كـل مانوالـه بـغـاره= من قبـل مـا بيـن الضلـوع يتمكـن
يرسل خبر ( وإن كان ماهـو بشـاره )= يمكـن مقـاديـر الليـالـي يـروفـن
الوقـت مايؤمـن ( عمـاره دمـاره )= وياشينهـا الأيـام سـاعـة يــدورن
لاطابـت الايـام ... فيهـا إسـتـداره= ومهما أضحكـت .. لوعاتهـا مايخلـن
ماخلـت اللـي بالقسـى شـب نــاره= وأحرق عليها العود الأزرق مـع البـن
وكيـف ٍ يشوقـك منـه ريحـة بهـاره= ودلال فـي بغـداد للطـيـب ســوِن
لاشفت كيف يديرهن فـي ( وجـاره )=يعلـم الجاهـل ( أصــول التفـنـن )
اقفـت بـه الايــام دون إستـشـاره= مـن دون يـدري بالخبـر ويتطـمـن
والعفـن لـو كـان الممـات بـقـراره= شـرى حياتـه بالجنيـهـات والـيـن
المـوت ضيـف لانــوى بالـزيـارة= مايمنعـه لو قيل لحظـة ... ولـكـن
والعمـر رحلـة والامـانـي سـتـاره= لاشـك ويـن المـدرك اللـي يتمعـن