انا وياك والمشكى على الله=تجمعنا على نبره حزينه
وكلاٍ لو شكى لفراق خله=يهل الدمع وجروحه دفينه
الا يا زين مال العشق مله=سوات السيف من ماضي سنينه
انيق الشكل والديباج حُله=ولا كن شال في حده ضغينه
ثلاث سنين والدنيا ممله=اعيش بوقت يحداني حنينه
احن لماضي الايام كله=يا زين الحب يازينه يازينه
احبه حب مايوصف وجله=ولا كن بعد ما حازه ضنينه
بقى لي جرح والشامت فطن له=وذكرى عشق فالخافق سجينه
رثيته حي وابياتي رثن له=ما دامه ملك غيري عاذرينه