اجمل جمالٍ كونه خالق الكون=مستوطنٍ بعيونك الناعساتي
لازلت افكر وين ومنين وشلون=ادرس معاني حبك المبهماتي
في عالمٍ عن كل الانظار مكنون=فيه اجتماعي ضايعٍ مع شتاتي
والملتقى ماعلم القلب عن لون=ادعاني اسكت والتزم في سكاتي
سلطة عصاء موسى على راس فرعون=بس اني اذكر مانسيت التفاتي
بالهون حرك لب الاحزان بالهون=تاتي وانا آتي والغلا منك ياتي
الوجد واحساسٍ بالاحباب مفتون=نقطة تحول وابتدت مع حياتي
ذاتي وذاتك نون في منزل النون=ونوني ونونك نون ذاتك وذاتي
هاتي وخوذي قلبٍ اعمى بلا عيون=شرطي عليك القرب خوذي وهاتي
عاتي زمان الهجر مهما يقولون= والغيرة اكبر منه والهجر عاتي
قارب نجاتي من مشاعرك مشحون=لايحترق بالنار قارب نجاتي
خوذي وصاتي جد بالحفظ والصون=ان مت والا عشت خوذي وصاتي