ياتركي اسمع كلام الاولين اهل المحلات= ربعٍ تكيد الحريب وعندهم حكمه قويه
فالهجره السابقه نقرى على القوم التحيات= واليوم ربي سترها لا تشب العين فيه
هيهات ياماضي الايام يا ابوناب هيهات= يم ان راع الفرس يضحك على راع المطيه
في ماضي الوقت يابوناب مافيها سلامات= واليومه الذيب صار يضحك مع حليه
الاجنبي يالمطيري يحمد الله عشر مرات= قدام حكم السعودي مايميل الاجنبيه
واللي مايدري يسال اهل العقول اللي رزينات= ويشوف كل العلوم اللي صواب من الخطيه
يامشينا على البيرق وطولنا المسافات= وانت اجودي في ديارك دين ولاجاهليه
لو ان ربي من الدنيا يرجع كل مافات= نزوركم وقت عيد الفطر ولا فالضحيه
ياما مشيتوا وركزنا على راسك نصيبات= وان جيت ربعي تعيد بك ولا تزعل عليه
الاوله في حجر والثانيه فابو ملفات ((وادي مر))= والثالثه يالمطيري بين رابغ والضبيه (( كليه))
سلم لنا فوق ابوحسنه عضيدك فالصعيبات= ثم انشده وش حصله في هذيك السنيه
هذا جزا اللي يعاندنا على حاض المحيمات= عود لحاله وذوده روحت والنار حيه
نشدته العام قال مطير مامنهم مخافات= ياكون واحد يجيهم فالديار المهلكيه
انتم بني عون لا تشرك نصيبك فالاصيلات= دايم بني عون فقرا لاهناك ولاهنيه
الاوله روحت والثانيه راحت ولا جات= راحت غصيبه على ابوناب ماراحت عطيه
حنا بني عون تعرفنا معشين المجيعات= ولا انت تبرد عظامك ماتشيل البندقيه
يقول جدك لا امد الرجل لابحر الظلمات= من يوم القرى عدلت على راسه رسيه
ياحرب ومطير ورجال المعزه والمروات= وانته وانا يالمطيري غير نعلن بالقضيه