يالله يا من هو رجـا كـل طـلاّب=يا رازق العالم ومن فـي الوجـودي
يامن لمن يدعيه لو في الخفا جـاب=يا صادق الميعـاد يـوم الوعـودي
أطلبك تغفر زلّتـي يـوم الحسـاب=واجعل رضاتك مؤنسي يوم اللحودي
بعده و يا راكب على زيـن الأوداب=وفي الحسب ياصل لسبعة جـدودي
حُرٍ حدق عينه كما ضـو مشهـاب=يشتبّ فيهـا مثـل قـدح الزنـودي
فوقه صبـيٍ دايـم الوقـت نجّـاب=ليا سرى بالليـل مـا هـو رقـودي
حضرم ولد حضرم مجوّد بالانسـاب=وان جاع لا يسرق و لا هو شحودي
منصاك برومـي كثيـر الترحّـاب=شيخٍ ولـد شيـخٍ كثيـر الوفـودي
عطيّة الله اللي في المعالي له اوجاب=واجوادهـا تكثـر عليـه النشـودي
بلّغ سلامي له عد مـزنٍ و أشعـاب=ربّانتـه قـادت و حنّـت رعـودي
وعـداد ساعـاتٍ تـداور بمركـاب=وعداد من جـرّد بكثـر الجـرودي
وعداد ما سال الحيا بيـن الأشعـاب=فأرض اليمن والشام واقصى النجودي
قُل له يقول الحضرمي جاك بكتـاب=فأسلاب ماخـوذه و معهـا نقـودي
غدوا بها العصلان و الشيخ ابو ناب=عبدالله اللـي قـد وقـع فاللحـودي
غاوي ولا يغوى الفريضه ولو تـاب=والصقر يعرف حيث وقع الفهـودي
إن كـان ودك بيننـا تغلـق البـاب=ولاّ فـلا حنـا قصـار الـزنـودي
حنّا الذي كنّـا نحـارب فالانشـاب=نفرح ليـا الفتنـه تشـب الوقـودي
و لا عبينا الروم مفتـول الارقـاب=ومطوبعاتٍ مـن صنـوع اليهـودي
إلا لمن فيـه الحنـا مثـل مشعـاب=وبها يـروّع كـل قسـيٍ عنـودي
بالعون ما نغترّ عـن جـرة الـداب=يعطي السهـل ولاّ يلقّـى السنـودي
أيضاً و لانغتـر عـن كـل دبّـاب=حتى الحوايم وقعهـا فـي الحيـودي
كم شاب دغثرناه في وسط الاجنـاب=وامسى عطيب الساق جوف القيودي
هذا كلام الصدق مـا فيـه مكـذاب=خُذ لك نصيحه من كـلام العمـودي
يالله يا مِرقِب علـى كـل مرقـاب=يا مِخرِج الما من سحـابٍ يقـودي
برً رؤوفٍ وغافـر الذنـب تـوّاب=حـلاّل عقـدة مبهمـات العقـودي
عبدك عصى وأذنب وفرّط وِقد تاب=إغفر ذنوبه يـا صمـد يـا ودودي
قلته ونـا مالـي للاقـوال طـرّاب=لا حرّك الفتنـه و لانـي شـرودي
ليا دعاني الصوت و الصوت جذاب=نطرح وجيه أهل الرّمك بالركـودي
والله لو جونا على خيـل وركـاب=والفيـن خيّالـه حسابـاً يـزودي
ولا عساكر مصر ملكوك الاحبـاب=ليرجعـون ويشتكـون الزهـودي
الحرب ماهو سين ميم جزم والعاب=ولاّ كما شـربٍ مصفّـى بـرودي
سمٍ على مستطعم الكبـد وحـراب=علـمٍ عليـه الله وخلقـه شهـودي
نـاره سنـا نـارٍ تلهّـب تلهّـاب=رمادهـا مـا ينوطـي للعمـودي
بعده ويا راكب على وسق مهـذاب=حُرٍ وسيع الجيب فـج العضـودي
ليا تزوّع قلـت يـا رب الاربـاب=أليـوم سلّمنـي و سلّـم قـعـودي
يسرح ضحى توّه على زين الاوداب=وعند العصر يدخل قصبّة الهنـودي
تنصالي الصاحب مغيّـب ومغتـاب=ونا من الصاحب كثيـر الحشـودي
خُصّه برديّـه لهـا عـد وحسـاب=عن الجبـال الراسيـه و النفـودي
بعض المعانـي تركهـا والتجنّـاب=عنها غنيمه ما لهـا إلا الصـدودي
لا تعترض بيبانٍ ما انت لها بـاب=إتغرّ بك لو كنت يا احمد حمـودي
ألحاصل إنك خُذ من الهرج ما طاب=مالك و مـال امبيّحـات السـدودي
يا سيـن ميـم ألـف لاميـن بشعـاب=والها غلاقـه هـي تفـك الرصـودي
إسـمٍ ليـا مطريـه فـك التنـشّـابأب=لـغ مـن المأمـول منهـا قصـودي
إسـمٍ دعابـه نـوح وقـت التغضّـاب=ناجاه إلـه العـرش والمـا صعـودي
حنّا استعنّـا بـه وهـو يغلـق البـاب=ولا ينغلـق بـابٍ ومعنـا رصــودي
سميّت بإسمك و إسمـك اليـوم غـلاب=يا من بجـوده جـاد مـن فالوجـودي
يا منشي الدنيا كمـا نشـو الاسحـاب=وبقدرته بسطت علـى المـا جمـودي
أدحت ومنها مخـرج المـا والاشعـاب=والـورق منهـا قـدر ديـن اليهـودي
جاعل سهلها سهـل وجبالهـا انصـاب=ومحور منهـا الحـي يأتـي وفـودي
هذا و يا راكـب علـى بـازغ النـاب=مصمـوم الاربـع مـا دنــا للهودي
حـر ليـا مـا كـد بالشـوف ينهـاب=حـر حـدق عينـه سـواة الوقـودي
فوقه شـداد مـا هبـط سـوق جـلاب=والميركـه بالريـش فـوق الزنـودي
وسفايفه و الخـرج مزيـون الاهـداب=شغـل العـذارى لابسـات العـقـودي
إسرح وشق يـا راكبـه بنـدر مهـاب=بندر خصومه شافـه البيـض سـودي
المشرقي عـوّد عنـه قـده منصـاب=فالملتقـى شـاف قـومـه سـجـودي
راعيه مـا يحـرب بدبـات ومشعـاب=إلا بـرومٍ أصـل كسـب الـجـدودي
سر يا نديبي واحتـرك وانـت نجّـاب=تنصا الدويـش المشتهـر بالجـرودي
الشاعـر المذكـور ذكـره فالاطنـاب=فرد الأسـد ليـث مـا هـو فسـودي
قله وصـل فيـك بعـد قيـل مهـذاب=ردود شيـخ قـول هرجـه قـنـودي
جده حمى الجدان يـوم الـردى سـاب=كانـت محاكمهـم محاكـم ثـمـودي
غنيـت يـا مرشـد ورديــت دولاب=في قول ما يعنـاك يـا بـا النشيـدي
واللفت والملفوت محنـا لـه اصحـاب=أيضـاً ولا لـه عنـد عـارف ردودي
ولا حثنـي الا فـي كلامـك تـقـلاّب=كما مـن يـدّرج دارجـه فالسنـودي
معوادها فوق راسه بعد جهـد واتعـاب=ولعيب يخفض صاحبـه مـا يـزودي
ولا حثنـي الا قـول نـار التلـهّـاب=رمادهـا مــا ينـوطـي للعـمـودي
أبوي راس النار مـن تحـت ميكـاب=سرور ابـو سـره وشفـت الركـودي
عنده ثلاثة عشر ميّـه قومـه احـزاب=معنـا وهـم حولـه سـواة ألأسـودي
وكم من ولد عادي رقى روس الاشعاب=تحـت البيـارق مـا يهـاب الفقـودي
انشد ربوعك وانشد اهلـك والاجنـاب=وانشد خصايل حرب ذاهـي عـدودي
النحل مـا يدخـل علـى قيفـه ذبـاب=إلا الوحـى جالـه سكـن فالحيـودي
حيوان يرعى النبت من روس الاهضاب=من حيث ما تنمـى نوامـي الـورودي
آنـا بعـزوة ضافيـه تنقـل اسـلاب=عسكـر ونرجاهـم حمـاة الحـدودي
والحرب عاوصنـاه مغـزى ومرقـاب=فـي قـوم حميّـر متلفيـن الجنـودي
حضرم علق من حاضر الموت مخلاب=ان سلت عن عزمه فعزمـه حـرودي
ليـث الديـانـه و الامـانـه والاداب=والعهـد يوفيـه وصـدق الـوعـودي
مـا جذنـي منهـم الشيـب الـشـاب=وان جاع ما يسرق ولاهـو شحـودي
تقي نقي معـدن مـن المـاس مثقـاب=من حضرموت الموت عنـد اليهـودي
كم من ولد طيب رقى روس الهضـاب=جاب الـذي لزمـوه عقـب الفهـودي
من حضرموت اللي علـى قـن واداب=وكـل راس جـاب خمسـه نـقـودي
ذا قول من لا هو على الجـار عقّـاب=ولا ضِـرب فـي جبهتـه بالحـدودي
الحاصل إنك خُذ من الهرج مـا طـاب=مالـك ومـال مبيـحـات الـسـدودي