احبك حيل وانت بعد حيل تهواني=وقلبك يعانق قلبي بشوق كل ماجالك
تشتاق لي ولا الزمن خلاك تنساني=ونسيتني وماعاد اطري على بالك
كواني الشوق بغيابك والله كواني=ودمعي جرح عيني من زود شوقي لك
اه من نار البعد وقسوة ازماني=قسيت على قلب ( ن ) في الود كم شالك
ياهل ترى انت تعاني مثل مااعاني=ولا بعتني وقطعت في المودة حبالك
انا ادري انك ملاك بصورة انساني=وماظني تخون من هو بالوفاء وفالك
مازلت انت الغلا ورسمك بأحضاني=واخيلك في كل الاماكن واعانق خيالك
وحدك ملكت القلب والنبض ووجداني=ومتربع ( ن ) في القلب ساكن ومالك