هذه القصيدة قلتها تعقيبا على ما قام به الشاعر غازي الزغيبي
بتكريم خمسة من شعار حرب

سلام تسليم الوفا والكمالي= من داله العايض لغازي مغيران
يستاهله مني بعيد المدالي= غازي ليا عدو هل الشان له شان
عون الخوي والجار سمح القبالي= راعي هلا مدهال طلقين الايمان
اللي يحط البن وسط الدلالي= مكرم ضيوفة بالشحم غالٍ الاثمان
كلمة نعم لك يالزغيبي تقالي= والنعم للطيب دلايل وعنوان
صاحب وجود وموهبة وإنفعالي= قاسي على القاسي ولين لصدقان
شاعر كبير بمستواه المثالي= ابو طلال بماقفه كل الاحيان
من دون حقه ما يهاب القتالي= حكيم عرف ولا يتغاضى لعدوان
ولا يبحله عند السؤال الجوابي= بسلوب ياخذها من القلب بلسان
مجد القبيله يرفعه للعوالي= ويشكر على ذلك سلايل كحيلان
غازي وجودة من كمال الجمالي= قدم السوالم والمساريح ما هان
رجال كرم بالقبيله رجالي= خمسة من الشعار من دون حقران
يستاهلون إسجلهم مايزالي= من روس حرب أهل الاسامي بالاوطان
تكريمهم واجب على كل حالي= فكرة عظيمة راسية كل الازمان
الكل منهم للقبيلة موالي= منهاجهم يحشر ثمانين شيطان
الحي منهم مستمرالمجالي= والميت ندعي له بجنة وغفران
نعم إختيارك ياعريب الخوالي= وفيت منته يابيض الوجه غلطان
والصح ما ينفيه قول الملالي= الي يعرفهم زين ماهو بجزعان
هذا سلامي ياكريم السبالي= مع مرفقاتة ياصلك وسط ديوان
من جد والله ماكتبتة خيالي= ميًد وجودك يالزغيبي ابرهان
وتم الكلام الي ببالي طرالي= والي يطق من الرياجيل خسران

مع تحيات الشاعر: داله بن عايض العوفي