المشاركة الأصلية كتبت بواسطة ورقان

ياصاحبي موج البحر لا تعاديه = خلك على جاله ولا تستفزه
ياللي خويت البحر تعرف معانيه= معناه اغلى من جواهره بزة
راع الوفا بالناس مازلت اداريه= ادرى على حبل الوصل والمعزة
لوهو بعيد الناس افرح بطاريه = عز الصديق اللي صديقه يعزه
ما بعت انا شعري ولاني بشاريه = هاجوس فكري اكتبه كل حزة
لو قال بعض الناس لالي ولا ابيه = لوهو يكز العرج يمي يكزه
ماهمني بأصبر ولا ني مشانيه = حتى على اقصاه غيضه يلزه
ياحيف وان جاتك من اللي تواليه = بعض العلوم الشاطحاتٍ ونزة
لابد تشرح له عسى الله يهديه = وان ما فهم لوطرف عينك تقزه
اما العدو ياصاح لا شتقي فيه = حتى يجي في مذبحه ثم جزه
واللي يحسب كل ما قلت ابعنيه = غلطان منهو بالمعاني يرزه