قلت هذه القصيدة عندما منحني الشيخ /عليان بن راشد الطهيمي
لقب شاعر النخبه:
سميت لي باسم جديد وقبلته=تاج وفخر ووسام عساي قده
ولولا الثقه من مانحه ماحملته=والادمي لولا الثقه ويش نده
لسان الذبيحه يوم رشحت أكلته=وقريحتي لسماوتي مستعده
واللي علي ولي كاني جهلته=يالله عساي من الصحيح أستمده
وقال المثل من خاف عله قتلته=وقد قيل علم تستحي منه بده
من ياصل النخبه تراني وصلته=ماهو كلام يقال هاته ووده
ليا نويت المتهم ماختلته=بسمه وبسم ابوه ثم إسم جده
أقول وأقابل وأقول إيه قلته=لاوصلت النخبه نسينى الموده
منقية عليان ماهي بفلته=يفداك من صعر للاخصام خده
يقولها اللي مكرماتك شملته=في ماقفٍ وصل الرهق معه حده
مديون بالمعروف وأنته دبلته=كنك تقول اللي تحدا تحده
ياللي حضوري في غيابي كفلته=أبشر بسيفٍ يرهب إعداك حده
وكان الرزين من العدا ماهبلته=قل للمقهوي مر زيد وتعده