الأولة : للمطلع عالم الغيب=العالي اللي كلنا تحت ظله
والثانية : يامرحبا والتراحيب=با لصاحب اللي نوَّر الدار كله
والثالثة : من خاطري أنثر الطيب=للنايف اللي ما يخلي محله
والرابعة : للي بعث لي مكاتيب=الصاحب اللي لاحشا ما نمله
والخامسة : للي حداني عن الذيب=وسل المهند فوق سرحان سله
والسادسة : للحر عذب المشاريب=الثاقب اللي لا بدا حال حلة
والسابعة : للي ليا غاب ما يغيب=وإن قلت له ما قال شيءٍ تقله
والثامنة : للي كثير المطاليب=مرة يعقد الحبل وأخرى يحلة
والتاسعة : للي يعرف التراتيب=حمله خفيف ولا ثقل ما يقله
والعاشرة : للركز راع المشاعيب=أوقات زين وبعض الأوقات خله
والطايلة للي لهم في التجاريب=نعم النجوم اللي سوات الأهله
أهل الحمية معتلين المراقيب=حرب الحريبة يادواء كل علة