تطير القصايد شوق لاهزها الـــــــــموضوع
تسابق تطير وكل وحدة ورى الأخــــــــــرى
ترى ما يلام الشاعر التابع المتــــــــــــــبوع
اليا جا بييكتب حرف بالمـــــــــملكة وازرى
عظيمة ولاجت في سوالف وضحك اربـوع
عظيمة ولا جت صف يمنى على يســـــرى
عظيمة ولاجت في عطى والعطى مشـروع
عظيمة ولاجت في ذهب قيصر وكســــرى
عظيمة وجت باللي يقص ويطوع طــــوع
من يدين من ضرى الليالي على المسـرى
سرى ليلتن ظلمى ما غير الحكي مسموع
سرى ليلتن لانور فيها ولا قــــــــــــــمرى
سرى مامعاه إلا التعب والــسهر والجوع
سرى ما معاه إلا رجـــــــــالن تفك اسرى
وجا للــــــــرياض وبيرقه بالسما مرفوع
بعد مااجبر السيف الحدب يكتب ويقرى
دخلها معه سيفن وشلفا بـــــدون دروع
لا ما شهد تاريخها تشهد الــــــــصحرى
يقولون صعبة صعبتن مثــل حب الكوع
لاكن تبي تضرى وغصبــن تبي تضرى
فتاتن بكت مرة لأجل عــقدها المقطوع
وجاها وهي في سالـــــفة عقدها ادرى
واخذها ولبسها الــرخى والبلا مدفوع
عظيمة ولا تــــــــتقبل البيع والمشرى
بطلها ابو تركي ولاهي حديث اسبوع
لنا فوق مية عام بكتابها نــــــــــــقرى