المشاركة الأصلية كتبت بواسطة سعودالمبيريك

كم حي يبكي حي غايب وانا ابكي =الغائب اللي غيبة مالها حد
انا ابكي الراحل وهو يبكي الحي = ومن مشهدين الحزن انااشد مشهد
اليا ذكرته تقل ادور على شيء= اقوم وامشي تقل أعد البشر عد
افرك اعيوني وافرك ايدي بيدي =وان شفت من سيماه سيما على احد
قمت اتبعه واقول ياخي يأخي = ماشفت مثلك بدر غايب ولا رد
آخر عهد لي به وهو توه أظبي =شفته على لوح القيامه مدد
مطوي بشاشه عن عيون البشر طي =وصلوعليه وهو عليها مرقد
وسجوه بحفره من رقد وسطها أنسي = وردو عليه ترابها فوقها رد
وقالو ذي السنه وذا درب ممشي=وناديت بأعلى الصوت عد يابدرعد
الدار ظلمى واهل الحي والحي = وتعاظمت بي رحلة الحزن وامتد
وذكرت ريح الخالده بالثرى امي = وعادت علي الذاكره مشهد اشد
كانت تداعبي وان توي اصبي=وارقد وانافي حضنها قبل ترقد
وكانت علي وهي تنازع توصي= وماتت وهي قدام عيني تشهد
ياكبرحزني ياكبر لوعتن بي = لو شال ماشلته جبل راسي انهد
تعاظمت بي غربت الروح واخفي = ونهر الحزن كثرت عليه الروافد