لو شفت ماشافته عينـــــــي=والغير فودادهم ينـــــــــعم
صرت امسح الدمع بيديني=حتى ذرف من عيوني دم
يا مشتكي من مجافيني=وما زلت بوصالهم تحلم
مادام راحوا مقفينــــــي=البعد عن جــــــــالهم مغنم
لا تنبش الجرح يبكيني=حتى معه فالغرام اغرم
مامداك والله ولا امديني=قلب الشقي بالضلوع ابكم
ياصاحبي كان توحيني=اعلم اذا كنت ما تعلم
مايجتمع شين مع زيني=ماللجفى بالوفا مقسم
وش عذر الايام وسنيني=اللي مضت من حياتي كم
دمي وقف في شرايني=الموت من هالعذاب ارحم
ما للمودة قوانيني=تنصفك لا صرت متظلم
والله لو الامر فيديني=ما اجعلك لحظة تعاني هم
خذني معك لا تخليني=القرب في جالكم اسلم
خذ جرح الايام وافتيني=حسب الذي فالهوى تعلم
اجيك لو ما تناديني=صاحبك من سقمكم يسقم
يسقيك واتقال يسقيني=تشرب واحسه طعم علقم
وابديلك انه مايعنيني=ما ابغاك للجرح تستسلم
واحد وعايش بجرحيني=عظيم جرحي وصار اعظم