أهني نفسي الثالث و اهنيكم بيوم العيد= عساه يعود مرات(ن) عديده و انتم حضوره
و قبل هذا أهنّي راس ابو متعب ولاء و ازيد= واهني ديرة(ن) بالدِّين محكومه و معموره
بلاد(ن) في دروب الخير تمشي، عمرها ما تحيد= دروب(ن) قدها بالسيف الاملح راس اخو نوره
و اهنّي من يحج البيت عاني له و قاطع بيد= على سنة محمد، تابع(ن) هديه و في نوره
اهني "حرب" انسابي الكرام المكرمين الصيد= عسى أعيادهم دايم تعود بزاهي الصوره
أهني باسم ربعي رافعين الراس بني زيد= أهنّي الدار و اهل الدار علّ الدار منصوره