[poem=font="Arial,5,#0000ff,bold,normal" bkcolor="" bkimage="" border="none,1," type=1 line=0 align=center use=ex num="0,"]
حي الكتاب اللي عنا فيه مرسـال=بأول نهاراً مـن هـلال الضحيـه
من يوم جاني كل شياً على البـال=مدري لفا فـي خيـر وإلا بسيـه
الناس تربطها المشاغل والاعمال=والناس ماهي عن بعضها غنيـه
الله يجنبنا خطأ كـل مـن عـال=و اهل الصقايط والعلـوم الدنيـه
تشهيرة المخطي مثل ضربة الذال=الله ولادعـوى بهـا مشرهـيـه
يازيد يوم انك من الغيض من شال=لاهنـت خـل علومنـا واقعـيـه
خل الضعاف اسمان وخفافها ثقال=وخذها ربـاع الياعطيـت الثنيـه
من مصدراً ماثوق ماهـو بختـال=قبل المواجـه مايوصـي وصيـه
ان كان مال العلم ناقـض وفتـال=ما أنت بسنيني وتحـرى مجيـه
لولا التمادي بالخطايـا والإهمـال=ماصار بين المجتمـع عنصريـه
والله كريم وكلمـة الحـق تنقـال=لاهي سبـور ولاوراهـا غزيـه
الزمل لاصاجت لها حمل وعقـال=تمسي وتصبح من صطرها هديـه
مافيـه شـر إلا مباديـه جهـال=ودون النفوس اتهوش حتى المعيه
لولا الخطا ماحـط للحـق معـدال=حتـى الخطيـه ماتلقـح خطيـه
يمكن تدين بحال وإدان في حـال=لاقـال يابوزيـد مالـك دعـيـه
من صارله قرشين ياخذله ريـال=في صورةٍ عجله وصـوره بطيـه