بناء على طلب الاخ سلطان الغيداني بحثت عن قصيدة الشاعر عاطف الحربي التي شارك بها في شاعر المليون
وهاهي بين ايديكم
سنينـك اللـي راحـت البـارح امـرار= كـنـي احـسـك بعـدهـا تحتريـهـا
خايف وتصنع من تعـب نفسـك اعـذار =فـي وقـت عشرينـك تمـوت بيديـهـا
طالع عيونك كم بقى شـف مـن اسـرار= مـلامـحـك للعـابـريـن تحكـيـهـا
طالـع زوايـا غرفتـك طالـع الــدار = وطـالـع شبابـيـكٍ بـكـت تشتكيـهـا
وارقب مماتك عن كثب واصرخ : الثااااار = واصحـك تناسـى حرقتـك وتغديـهـا
لو جـرّدوك الصـوت ولسانـك البـار = هالأرض .. عِرضـك لاتسـاوم عليهـا
لعلّك اصدق من بنـى ل حلْمهـاْ اسـوار = ولعلّـك اشجـع مـن نــوى يفتديـهـا
مابالأمـل غيـر الألـم يشعـل الـنـار = فـي صـدرك اللـي بهجتـه مالقيـهـا
هذا الطريق ل وين ؟..ماحولنـا مـار ..= جاوب ! هي احزانك ..وانا رحت فيها !!
قليْ ل متى بتموت في صمت "الاحـرار" = والارض تشكـي للسـمـا ساكنيـهـا ؟؟
قليْ ل متـى واحلامـك البيـض تنهـار = وش في يديّ آبيـع ؟ ل اجـل اشتريهـا
باب الجواب جـدار مـن خلفـه جـدار = مشـوااااار أكمّـل خطوتـي واقتفيـهـا
طال التعب طاااال وعلى "درب الاعمار" = رجليـك تذبـل , والعـمـر يرتجيـهـا
أذكر هنا حاره : شجر , ضجـة صغـار = وبيوت شبه بيـوت , و"اسمـاء" وابيهـا
كنا نجيب العيد ونقول : وش صـار ؟!! = وايامنـا فـي كــل ولــه نحتويـهـا
وان جاْ العصر والريح تلعب في الاشجار = تهامـسـو ب جراحـهـم عاشقـيـهـا
هناك معنـى الحُـب والصـدق والجـار = مهمـا شربنـا مـن عطشـهـا نجيـهـا
مرّت علـيّ عيـون مـن جنبـي كثـار = ياااااكثرهـم لــو شفتـهـم حاسديـهـا
ماعاد لي يا انـت فـي صـدرك اعـذار = برحـل مـع الذكـرى معـا جايعيـهـا
والحاره اللـي سقفهـا العالـي "جـدار" = الله يـعـمّ برحـمـتـه .. ساكنـيـهـا