راح العمر ياخوي في صد وجحود=بين المعاصي والهوى والجهاله
افلام ومسلسل وكوره بلا حدود=وبلوت والدخان شر(ن) لحاله
ضيعت عمري في عمل ماله فيود=وكم واحد(ن) مثلي فعل ما طرا له
العمر يجري والشقاء حبل ممدود=الموت يقرب ما تأخر رحاله
نسيت نار (ن) تحرق الورع والعود=وقدامها يوم(ن) كثيره هواله
اليوم انا تايب وللحق مردود=ورب السماء يفرح بعبد(ن) لجاله
يا عابد الدنيا ترا الله موجود=ما ينفع الانسان صيته وماله
يا الله تشملني ليا صرت ملحود=بعفوك ولطفك يا عظيم الجلاله