ربعي قبايـل حـرب للعـز وراد
دوم المراجل في يديهـم رهينـه
من ماضي الايام وعصور الأجداد
مـدون التاريـخ تتعـب يدينـه
أمورثين العـز لجيـال الأحفـاد
جيـل ً تقفـا جيـل متوارثيـنـه
أسود سادو فوق من كانو أسيـاد
بالطيب وإلا بالسيـوف السنينـه
لن ركبوا الفرسان بضهور الاجياد
طشو زعيـم القـوم وإلا عوينـه
عدوانهم تشرب على الغبن الأنكاد
كم عين نامت من قهرهم حزينـه
في مامضى يوم أنها حرب وجهاد
و ربعي سنام المجـد متقاسمينـه
وان كانها بالطيب مصدر وميـراد
امورديـن الطيـب ومصدريـنـه
يوم الكرم والجود من طبع الأجواد
مايعقد الحربـي لضيفـه جبينـه
لوكـان ماعنـده شـرابً ولا زاد
ايقـدم الميسـور والله يعيـنـه
واضرب مثل للناس توضيح وايفاد
كـلام أقولـه والعـرب خابرينـه
حجرف وابن ناحل لهم فعل مابـاد
فنجـال حاتـم بالكـرم شاربينـه
مداتهم تشفـي عليليـن الأكبـاد
ماهي هـروجً بالخفـا ماستبينـه

صح لسانك مليووووووووون ..

بيض الله وجهك ..

بيض الله وجهك ..

بيض الله وجهك ..


قصيدة جزلة ورائعة ..

ماقصرت يالذيب ..

أشكرك على هذه القصيدة الجزلة ..


ولاتحرمنا من جديدك ..