الله من عينـن سبايـب سهرهـا=قمـت اتمعـن فالحيـاه المريـره
وقمت اتذكـر وتطـرق سيرهـا=واحول المعنـى لفكـري واديـره
وجدي على وقت الجدود اوسطرها=يشفي قلوبن ظاميـات اوخطيـره
أهل الحميا الـي بعيـدن نظرهـا=واهل القنا واهل السيوف الشطيره
واهل الكرم والجود حـزة دهرهـا=لظيف طيـب وللمعـادي ذخيـره
وطيب المكارم فيهـم الله بذرهـا=ومن الوفا يفدي بروحه قصيـره
ودون الخوي نفسه بعد ماذخرهـا=لوهو من الادنيـن والا العشيـره
لاصاح صياح الظحى من قشرهـا=بسيوفهم بتـر الرجـال المغيـره
كم حولو بي فارسن من ظهرهـا=ومن فعلهم شبو ابكبـده سعيـره
ستر الهنوف اليا انتخت من قهرها=رياتهم بيظـاء بوسـط الجزيـره
ومن كسب يمناهم تشوخ ابظفرها=والسيف تعرف سلة مـن جفيـره
وفي ساعتن ملح الثميدي مطرهـا=كم شيخ قومن ميتمينـن صغيـره
وامه على فرقاه تظـرب نحرهـا=لين الموحد جاء بحكم اوبصيـره
واستبشرتبه برهـا مـع بحرهـا=وحكم بحكمن ماحكم فيـه غيـره
حكم الشريعه يوم ربـي نصرهـا=ومن زامته نفسه ايلاقي مصيـره
مـا اهتـدى والاحيـاة قصرهـا=وان مااذم اهل الوجيـه السفيـره
استغفـر الله والعـرب ماحقرهـا=الناس كلن لـه فعولـن وسيـره