محسن دعاني والكثير احتملتـه
يالله عسى العنوه وراه مخلوفـه

لومادعانـي مكتبـه مادخلـتـه
رجلي على المسيار ماهي زهوفه

ونا لاشفـت الرجـل ماجهلتـه
طير السعد بين لك الله وصوفـه

تستاهل اللي يابن ظافر وصلتـه
مكانتٍ تحتـاج عـزم وكلوفـه

وتستاهل اللي فوق متنك حملته
يامزبن اللي قاسيـاتٍ اظروفـه

ولاالردي لوهو نقلهـا النقلتـه
ولومانقلها كان بيـضٍ اكفوفـه

مع شدتـه تلقـا رعيـاه فلتـه
لو نجومـه غاطيـاتٍ اكتوفـه

ولانت لاشفت المخالـف عدلتـه
والمنتظم سير العدالـه يشوفـه

تم الكلام اللي بديته علـى التـه
للظابط اللـي طالنـي بمعروفـه


صح لسانك يابوطلال ..

والطيب راعي المعاريف يستاهل المدح..

دائماً تمتعنا بقصائدك الجزلة الجميلة ..

الله يبيض وجهك يالعملاق ..

اسجل اعجابي وشكري ..

بارك الله فيك.