ياصحيبي في مواضيع الغموس=برموز اللي معالمها شعاع
يوم مرت بالجمال وبالّلبوس=كني اللي محرمه منها الرضاع
وش نقول إليا هرجنا بالحسوس=أّنبيه يصير سهل الاقتناع
والنحاوي لو تلقنه الدروس=مايلقن راسه اذنيه الوساع
ان نشدته قال عالم فيلفوس=وانت تدري بالثني من الرباع
التميدح للدرج حربٍ ضروس=منهو اللي ضربته تصل النخاع
منهو اللي واجه اليوم العبوس=ماقفه ماياقفه غير الشجاع
عانه الله واستعان بظل روس=من سلايل مرخية حبل الصراع
والنتيجه تنحصر من بين قوس=عاش من لا عاش بعلوم الخداع
ياسمو الطالبي بعض الهجوس=تستفز اللي حكاها باندفاع
والصداقه مع رجاجيل الضروس=مايزعزع عرشها بعض النزاع
ولادخل بالشجره الخضرى يبوس=لو عليها الري يدرج كل ساع
وتيتحصل بالثياب اللي تقوس=والغرض من حاجته حجة وداع
لا تحرث لّسبب ياللي تهوس=ولا تفكر في بعيونٍاً وساع
لو عد لنا ماعد لنا بالنفوس=من قضات الشرع والامر مطاع
وكل شئ ينهضم غير النحوس=لاتواعد نا على شلع القناع
من مشاريه الرياجيل محروس=بالوجيه وبالجيوب وبالذ راع