قبل الوداع وقبل تشتيـت الآمـال=قبل الليـال الكايـدة ما تواريك
امهل صويب البعد يشرح لك الحال=خوف الدمـوع الحايـرة ماتنبِّيـك
ياخل شاب الرمش والبعـد لاطـال=ماغير دمع العيـن ياخـل يبكيـك
عسى البروق اللي لها تو شعَّـال=تسز الشعيب اللي من العام حاو يك
ويبهج صدوقه صاخب العلم رحَّال=وعن غايةٍ لك يامـوادع تحاديـك
قربك سموح الوجه والبعـد قتـّال= والفكر عن جوَّه فلا غاب طاريك
مير آتصبريابعد كل الازوال = ونفسي تولِّه والنواظر تراعيك
قلي ليا شط النوى فيـك واختـال=وابعدك عن قلب العنى كيف نلفيك
ملقاك يازهر النفل يشـرح البـال=لاعد عشب الدار ما حدن يشاديـك
غيَّرت لجلك موجة العرف بهبـال=فيك اجتمع كل الهوى وانتهى فيك
ابكيك حسرة وازرق الدمع شـلاَّل=والله مادري وين الايـام ترميـك