العصاه اللي تغشك فالطريق المستقيم=طشها من يدك وانته لانت بعمى ولاكسير
لاسريت الليل ليل ادلج بلا قمرا عتيم=انثنت في يدك مافادتك والموقف خطير
تحت ضو الشمس يبدي زينها وهي من قديم=في يدين رجال قبلي لبسوها من الحرير
وانا زدت ألبوسها وكسيتها كسوة كريم=من حرير الهند مطلي بالنقوش اللي تثير
مير ياربعي فتنتني ولا درت حالي سقيم=كل ماعنها نفضت اليد رجعت تستخير
ابلشتني وسكنت كفي وشد وهي تقيم=عفتها من بعد ماجتني وانا فيها خبير
اقسم برب السما ورب زمزم والحطيم=ماتزودني العصاه لو يصير اللي يصير
العصاه اللي تعيب عيب واضح فالاديم=شرها من فعلها ومايتفق شرن وخير
بان لي فيها بواين فالحا سوسن يهيم=هام فاشهر من عصاتي ونعرف منه المصير
ماتقديني العصاه ويعلم الله العليم=ولاتنومسني ولي فيها من العالم خشير
بيحت سدي وهي مني بمنزلة النديم=لعنبوا ذاك الجماد صغير هو ولا كبير