بدا سلام الله على أهل الملتقى=لا لاح في غر المزون ابروقها
بإجازة الاسبوع يا محلا اللقا=مع ربعةٍ نشفق على منطوقها
أهلا هلا والليل قلي وش بقـى=يالشاعر اللي جر لحن اطروقها
ماعندنا ياصاحبي غير الشقـى=غربت زمان الله يهون عوقها
وباك البقا يالطيب اولك البقا=ياللي تخاويني على طاروقها
ياحمود انا بنشدك وشعاد تهقا=ليلة خميس اوجيتك بشروقها
الليل ياورقان في وضح النقا=سوق المطيه ياعميلي سوقها
ليلة خميس ومابقا عندي ثقا=بالوقت ياورقان راح تذوقها
يا صاحبي من حاول المرقا رقا=ومن صابر الغربه يذوق اعذوقها
الناس فيها أعدا وبه ناس اصدقا=وانتَ من اللي حافظين حقوقهـا
الصبر مامن صبر والحظ أ فرقا=ولا لاح برقه روحتبك نوقهـا
اتنقي الطيـب وتعجـز بالنقـا=مثل السراب اللي مابل حلوقها
عين الهوى بدموعها لو تغرقا=مالومها بدموعها في شوقها
والسيل بأمر الله ليا منه سقا=الشجرة الحيه ترويها عروقها
ترى الهوى ماله عيونن تبرقا=ياصاحبي ما تنتبه لفروقهـا
وختامها كلن يـدور مفرقـا=ماباقى ألا الفجر يحرم سوقها
كرت الدواء ياصاحبي لا تحرقا=لكل عينٍ بالهـوى معشوقهـا
انا معك بالطيـب والا مخانقـا=امشي مشي العرب وزود فوقها