نيـران فالقلـب مشتبـه=فيـض البحرمايطفيـهـا
لعـل منهـو لهـا سبـه=يبكي علي من رجـا فيهـا
والله لـو الونيـن يثيـب=لاون يـومـي وليـلاتـي
لاون واعوي سواة الذيب=واخذ علي الناس بيعاتـي
جاني خبر قلت كيف يكون=ماظـن قلبـي عـدو ليـه
ياناس من يحفظ المكنـون=في داخـل القلـب حوليـه
روحي تعلت مـع فـؤادي=اهل البنا مـادروا عنهـا
دلوني الـدرب ياسيـادي=الروح مـا اظـن باكنهـا
انا احمد الله بـدا شيبـي=والود مانـي مفـرط فيـه
احط يمنـاي فـي جيبـي=وانيل للمحبـوب واعطيـه
انا احمد الله بدالـي سيـد=اخير واحسـن مـن الاول
زي القمر في ليلي العيـد=والقلب بعد الصبـر نـول
ياسيد بكره يجينـا العيـد=واحنـا كـذا ماتصالحنـا
ماهي شروط الهوى ياسيد=الناس في عيد غيرنا احنـا
قالوا لي الناس مالك سيـد=قلت العفو سيـدي خافـي
مايظهـر الا نهـار العيـد=ولا بـدا كنـه الـلا فـي
ياسيد اودك ولا اصبر عنك=وكـل مامنـك يعجبـنـي
الا الجفـا لابدالـي منـك=لا تامـن الـروح تغلبنـي
ياصاحب العز كيف اقـول=مابيـن ضلعيـن نزالـي
قلبي تعلق كمـا المجـدول=وسط الحشا من هوى بالي
ياريم يكفيك مـن هجـري=كثر التوقف علـي بابـك
غديت مثل القلـم مبـري=وياريم كله مـن اسبابـك
كلـه سبايبـك ياقلـبـي=عنيتنـي بالـذي يشقيـك
وشوفنـي كيـف منقلبـي=عند الذي مايحسـب فيـك
لاغير صابر علـي غلبـي=من بعد ماشب ناره فيـك
طـول الليلـي معذلـبـي=حشايم اللي يهتزلي فيـك
انوح وابكـي انـا والبـي=ياما اتفكر صفـا ذوليـك
اللي صفاهم صفى حلبـي=اللي سواة العسل يبريـك