لا يا قمـر معتـلـي غـايـه=فـرع المخاليـق قـزاحـي
بالله بوصـيـك بوصـايـه=اللي سبـب كـان لجراحـي
عاميـن والعـيـن بكـايـه=والقلب عـن منزلـه ناحـي
ابديتـلـك كــل شكـوايـه=وانت الذي عارف اصلاحـي
تشكي علي وانت في ولايـه=مابيـن الاوجـان دلاحــي
وصـاك البـيـه بوصـايـه=هجرس بها عنـد مرواحـي
ياللي انا مشتـري خاطـرك=ماتشتـري خاطـري مـنـي
عامين منـي وانـا ماهلـك=بالطيـب وانـت تهملـنـي
لـو تملـك الـروح باملـك=غصـبـا علـيـه ولكـنـي
اخاف حـادي يجينـي منـك=وتصيـر جنـدي وتسجنـي
مايجوز منك تصـك الـدرب=والـدرب مـا ينقطـع مـره
اللي مضى القوم تسرب سرب=والـيـوم بنفـقـد الـجـره
هـذي قوانينـنـا يـاحـرب=محـد نبـي ينقـز الـجـره
يتبع طريق العـرب والـدرب=محـد يـرده عنـه مــره
ياللي تراعـي نجيـم الجـاه=الموت مصير بين الاولافـي
انصحـك لا تغيـر المجـراه=واصبر علي بعض الاوقاتـي
لاتعـذل المغتـرا لـه جـاه=لـه جـاه عنـد الصباواتـي
مثـل العسـل لابـدا محـلاه=يبـري عـن الكبـد علاتـي