المشاركة الأصلية كتبت بواسطة بن هديبان

ياصاحبي وشهو الي مشغلك عني=وانا عروقي من الاشواق رويانه
ماغيرك اللي خذا عقلي وجنني=ياتوت ياتين ياخوخه يارمانه
لو دارت سنين بعدك مااختلف ضني=لا صار حبك نبض قلبي وشريانه
من غبت ياروح روحي ماضحك سني= وانا عيوني على شوفتك شفقانه
قلي وش اخطيتبه واللي بدر مني= واقولك صح ولا اقول غلطانه
لاكَن صدك كذا يازين يحزني=لانك في خانه وباقي الناس في خانه
انا هواجيس قلبي لك يسوقني= سوقة خيالن تعزل منه ربانه
ياابو نهودن بصدرك تو زمني= ياعود موزاً على الماء مالت اغصانه
اون ونة صويبن طاح متثني=يابى المقام او وقع ما بين عدوانه
صوَب صواباً بليغ يصيح ويوني= من رامياً ما اختلف شوفه ونيشانه
وياشبه وضحاً عليها وسم ابن تني= من ذود عيسى سلاالة ذود جدانه
ليا قبلت وارزمت وحوارها حني=سبحان رباً خلقها الله سبحانه
ان سمتها قال لك هاذا يزعلني= ماباعاها لو عطيته حي سلطانه
يانفحة الهيل ريح العود والبني=يازعفراناً يسر العين بألوانه
ماترحم اللي هواجيسه لك تغني=حتى عيونه لك الله منك سهرانه
غلاي لك صدق ماني فيه متجني=يا ابو عيونن هدبه سود نعسانه
الواجب انك على وصلي تواصلني=واللي وفى في غيابك ليش هجرانه
اقولك شيء وانت استوعبه مني=حبك من المستحيل انساه يافلانه
لو يدمج المذهب الشيعي مع السني=بعد الثريا عن الطايف وسكانه