لابد طول الوقت يكشف لك الناس=ثم تعرف اللي قـام يحـزم بريمـه
الوقت هذا شيب العيـن والـراس=لا اوهني يا اهل الصدور الحليمـه
حامت على صدري ثلاثين هوجاس=راجعت وقتي والسنيـن القديمـه
ياطير ياطير السعد طيـر قرنـاس=شوف السماء ياطير كتمه وغيمـه
والوضع يا ابن الناس بالحيل حساس=واقول حذرا يقفي السيـل ديمـه
احد(ن) ثبت في ماقفه مثل جساس=واحد(ن) على ماقيل ذب الخريمـه
يالله تصبرني على ضيـق الانفـاس=وابعد مكاني عن وجيه(ن) لئيمـه
لاباس ياتركي ولابـاس لابـاس=مادام هرج الناس نصفـه جريمـه