صياف =
مرحبا بالشاعر اللي كل ماشفته عرفته=وان سمحلي ودي امزح معه ساعه واتجرا
قالوا انك شلت في جيبك جنيه ولا صرفته=كان تبغى صرف والسوق غالي وش تحرا
مطلق =
البقا يالشاعر اللي يوم صادفني وشفته=ادخله فالظل ماخليه تحت الشمس برا
لاتعلمني بسعر السوق انا جيته وعفته=ويش اسوي به رخص وانا على الغالي مضرا
صياف =
يوم حصلت اللحاف الزين بالبرد التحفته=والخيال ايزيد والراق تال الليل سرا
قلت ميعادك على راس الطريق ولا نصفته=مابقى إلا استريح وتنفض الثوب وتبرا
مطلق =
لاتعاتبني على دمعي ليا مني ذرفته=الحبال تحز فالمحال والمحال صرا
كيف تنسى ياكبير القلب ميقاف وقفته=يوم كل لاذ بالخيمه وفالخيمه تذرا
صياف =
الكلام اللي يزل عن الحقيقه ماولفته=مقدر ازعلك وانته رجل تقرا ماتقرا
انت تعرف تاصف الموقف ليا منك وصفته=مار في موقفك هذا وش تشوف ووش تورا
مطلق =
بعض خلق الله لو انه حذفني ماحذفته=لاجل ماودي مع الناس اتنقد واتزرا
المقفي ماتبعته والمغطى ماكشفته=اترك المجنون لو يكشف ثيابه ويتعرا