سرى الليل واقف وانتظر وزعة لي=وشجعان عصر الجاهليـه يلاقـون
هـذي مواقيـفـي وهذامحـلـي=واهل وادي السرحان عيوا ينامون
سرى الليل بالاجود ارحب واهلـي=ليااعطيت حق الناس ماراح لي لون
احييـك لامنـك تقـدى المصلـي=واهل وادي السرحان بسلاح يرمون
معزب علي العلـم النقـي مايملـي=ليا نوخـت حـن منزلـه مايـدون
تـرى هالمصلـي عالـم مايزلـي=وترى الذيب لاداين والاهوب مديون
لعللك معـزب للذهيـن المتلـي=وراع الكرم يقلاه بقدور وصحون
ماهو قايل للحارمـه مـار حلـي=ياكود انها حلت بخدر ومصيـون
أنا ما احسب حساب الزمان المولي=ابحسب لقوم يزرعون ويحصدون
لاواعزتي لـك يالكريـم المقلـي=أنا ابشهد انه طول الايام مغبـون
أنا مادرقت الشمس في راس ظلي=ولا اغش صندوق الحلاوه بليمون
أحد جاهل يرعي الحـلال المفلـي=واحد شايب عاجز يعكز على شون
يهل الشهر وايضا هلاله يهلـي=ولاانته مغير شجرة التين زيتون
أحد لاسمع صوت الذيابه يذلـي=واحد يختلف قلبه ليا طق جالون
أنا شفت لي عود عيونه تهلـي=عياله يعضدونه وهو ماله سنون
ولايرتفع قلـب يصيـر امتدلـي=هذي دبرة الله فيه والناس يدرون
عسى قصته ماتنقلـب قصـة لـي=ومن طب نار الجن تلقاه مجنـون
أنا شفت ذاك البن وسط المجلـي=مع السائق اللي نام فوق الدركسون