الليلة الليلة نبا نلعب على الطرق القديم=ونجدد الوقت القديم ونستعيـد الذاكـره
يا شين حظك يالغريم اللي لقينا لك غريم=بعد غفلت بلعبة البيلوت ثـم الباصـره
يا مطيب الطرقة مع الطرقي على الخط السليم=وان كان ما جات العلوم اليوم تاتـي باكـره
أنا نويت آقف على جنبك وأدفـك يالغشيـم=و أذكرك ذاك الكلام إنكان مـا أنتـه فاكـره
القاضي اللي يطلب الشاهد بعد راح الخصيـم=بكرة يجيه الخصم الآخر والشهـود مسافـره
بكرة تجيك الشمس ما بينك وبين الشمس غيم=ياللي تسابقني على الغبـة ولا لـك باخـره
أنته توصيني على الدعوة وأنا حاضر مقيم=علومنـا متقاربـة وعلومكـم متنـاثـره
أنا ليامني نويت اضرب ضربتك فالصميـم=والقبر له عامين فـي دار تحبـه خابـره
لو عندكم تمرة يا أهل مكة مثل تمر القصيم=تحركون الأجنحة مثـل الطيـور الناكـره
يمكن يدينك طايلة ،، سبحانك الله العظيـم=وأنته منول ما تعرف الـواردة والصـادره
أنا أدري أنك صاحب الصاحب ولك قلب حليم=لكـن ود العلـم وأول مـا تجيـه تباشـره
أنا بغيت أنقذك وأنته ترغب العيشـة يتيـم=نسقيك كاس اليتم وأنته في سنتك العاشـره
من يوم كنا ما نعـرف الا الطريـق المستقيـم=ما عندنا خانة تضايـف ، والجنـازة حاضـره
قرّبت من يسرى البخيل ورحت عن يمنى الكريم=أمـا عيونـك نايمـة وإلا هبوبـك سـاكـره
أنته حديد سليم دايم ، وخلعوا قلبك سليـم=وان شفت ضلك ند عينك تنفجع وتناظـره
أنا أعرف الأشرم ولا أناديه غير ابو شريم=ماعاد يسرع للسوالف والسنون الكاشـره
فالمعركة ما يسلمون إلا الشيابة والحريم=يا كثر ما راحت على المسلم يمينٍ شاطره
أنته مسافر بعد بكره من نعيم إلى جحيـم=لكن بالله فك باب الجيـب قبـل تغـادره
فالظهر تشويك السموم وصبح يعجبك النسيم=لا تحسبنك كاسب المعروف وانته خاسـره
اما سحاب صدق نوه يحيي عروق الهشيـم=وإلا هذي الدنيا نصارعها ، وبصر الآخـره
أزعلت عشرة من خزاعة بين زمزم والحطيم=ومحمد المسعودي أرضيته وأخذت بخاطـره
لا طاحت التهمة على العالم وطلعنـا التهيـم=يبـا يعلمنـا قبـل خنقـه وقلـع أظـافـره
تضحك مع خزاعة وعينك فالعسل وسط اليديم=وإليا نخيتك قلـت دقـوا للحرامـي صافـر
أنكان مالبوك غير أنته ترى الشايـب عقيـم=تسلم ليا شافت جيوشي كـل نفـسٍ كافـره
يقسم ثمانمية من أهل الخير شيطانٍ رجيم=أربعمية تاكل تمر وأربع ميـة متناحـره
ياكثر جيشك يالغليم مير عندك جيش هيم=تبا تروح كلها حسـب العلـوم الظاهـره
نقرا على الشيطان بسم الله رحمـن رحيـم=يحشر بعون الله والقـول المرتـل حاشـره
أهل الفصاحة والوفاء والصدق ما فيهم عديم=يبا يضيف الضيف ويصير المضيف خاطره
ترى علامات الصيام تبين فالوجه الرسيم=هذي علامات الديانة والقلوب الشاكـره