أشوف مستور العصيمي جاب حبلة وجملـه=وليا قضى تمر الحساء جاني بيي تمر القصيم
أن مد وحده من يديه امـلا يـدي واحطّلـه=وان كان مد يدينه الثنتيـن أقـول الله كريـم
ان كان عندك تمر جيتك بالبعير وحمّلـه=لكن لاتخلط لي التمر الجديد مـع القديـم
أظن صياف السحيمي ناسياً وش قلتله =وان كان ناسي قول ياصياف بالله العظيم
التمر يا مستور ماعنـدك سنـونٍ تاكلـه=أكل الضروس السوس والنيبان مافيها سليم
ياللي تبي ترضي هذاك وذاك تبغى تزعله=اهون عليك اللفلفه والا الطريق المستقيـم
لا بدنا نلقـى لنـا غيـرك عميـل نعاملـخ=وانا ضروسي من حديد وتكسر العظم الصميم
وان كان ماتدرون ويش الرأي خلـوه لهلـه=قد قيل بالأمثـال مانـزّال شـدد لـه مقيـم
ينفك باب الخيـر للطرقـي وحظـه يقفلـه=درب الصحيح يجيده العاقل ويخطيه الغشيـم
اليا نقصت الكيـل والمكيـال قلنـا كمّلـه=حنا ترى ماعندنا فاصحابنا خشم وخشيم
بان الصحيح وكل رجال عرفنا منزلـه=احد حياته في شقاء واحد حياته في نعيـم
اللي يبى كحل العيون يلد يمـى واكحلـه=والّ على قول المثل مال الغريم إلاّ الغريم