مرحبا بالصاحب اللي غيبته منشود عنها=لو يطول الوقت كل(ن) دفتره موثق حسابه
ليه ياصياف مازرت اهل مكه في وطنها=وانت من ضاري صحيبي لين ضيقت الصحابه
البقا واللي يجيب الطيبه ياخذ ثمنها=كلمة(ن) يشهد لها التاريخ من شاعر شبابه
كيف ازور الصاحب اللي كل مكه ماسكنها =حفيت اقدامي وانا ادورك في ذيك الشعابه
انت تدري بالبدو يوم البدو قادت ضعنها=مير ماكنك قريت ولا تعلمت الكتابه
ياعميل الخير لو ان السيور احد(ن) دهنها=كان كل(ن) في هذاك الوقت يشعب في ركابه
مانبا شرب الديوس اللي ماندري عن لبنها=ذيب يعوي راس ضلع ونمر يوزر وسط غابه
مايصلى في الجنازه لين تدخل في كفنها=ثم من عقب الصلاه يحط للميت نصابه
والله انا محتزينك والذبيحه في صحنها =وحد يدري عن سنع صياف وحد(ن) مادرى به
خابرينك كل مايبدي شهر تآمر وتنهى=وانت شاعر حرب لاشاعر هذيل ولاعتابه
الحبوب اللي في راسك قبلنا ماحد(ن) طحنها=مير لاتسري مع الظلمه تعشاك الذيابه
انت عبدالله وعبدالله حياته ماضمنها=مير لاتسرع وتاخذ لك مع الخط انقلابه