=محمد الربيقي:
=بعد حضرنا فالمكان اللي له قدر الكبير
=نبي لنا شاعر محنك من سليم و من مطير
=يكون مثل النابغة ولاّ ابن أبي سلمى زهير
=اقولها واللي عقد روس الحبال يحلها

اللي يجينا من سليم ومن مطير..=..يحسب حساب التالية و الأولة
انته يابن ابن عتقان فالوقت الأخير..=..من السماء جتك النجوم محولة

=عبدالله ابن عتقان:
=الله يبارك فالشجيع اللي جمعنا فالمقام
=وسليم والمطران سيف ارهيف ويقص العظام
=وشدادنا من فضل ربي مانزل فوق السنام
=اقولها واللي عقد روس الحبال يحلها

يالشاعر الحربي عسى فالامر خير..=..ان كان حفلتنا هنيا مطولة
انته توصيني و أنا رجلٍ بصير..=..احسب حسابي فالليال المقبلة

=محمد الربيقي:
=الملعبة ميدانها محكوم ما فيها نقاش
=تطلع جبل تنزل جبل ماهي طلاب ولا هواش
=اقولها واللي عقد روس الحبال يحلها

لو إن لك جنحان من بدري تطير..=..أنته مهول والعلوم مهولة
الأولة في دربها حملة بعير..=..والثانيه بين الحمول مزولة

=عبدالله ابن عتقان:
=الملعبه ميدان حرب و هرجتك هذي تمام
=نهارها حر وسموم وليلها برد وسلام
=واللي تفوق فالبداية ما تراجع فالختام
=اقولها واللي عقد روس الحبال يحلها

أهم شئ إني على الحفلة مدير..=..يوم ازملاية فالحفل متجولة
الاولة في نجد ولا عسير..=..اما اشرح الموضوع ولا حولة

=محمد الربيقي:
=الليل يانجم الحجاز اقول ياكثر النجوم
=الوقت يجري في مدارة والعوافي ماتدوم
=وإن حدك الله وش تسوي بين ضربات السهوم
=اقولها واللي عقد روس الحبال يحلها

ما انته مدير انته بديرة حرب أسير..=..الليل بدري والعلوم مطولة
بعض العلوم يقودها سلك الحرير..=..ويبين الموال واللي موله

=عبدالله ابن عتقان:
=صياف راح امع التقاعد والعرب تبكي علية
=وراشد ليا هالحين ماوصل على علمٍ يبيه
=وانته ياولد عبيد لا سقراط ذاك ولا بليه
=اقولها واللي عقد روس الحبال يحلها

ياحرب لو اذبح محمد وش يصير..=..ياللي تسوي لك معاني سوله
صارت سفارة حرب ما فيها سفير..=..والمغرم الولهان مات من الوله

=محمد الربيقي:
=اللي يقيم حرب ماهو فالمواقيف اسلمي..
=لو إن ابن عتقان يبرد فالكلام ويحتمي..
=مايحتمل نقطة حبر مكتوب من رأس قلمي..
=اقولها واللي عقد روس الحبال يحلها

القافلة تسري و عبدالله يسير..=..مثله ومثل العالم المتسولة
حنا هل الميقاف فالوقت العسير..=..وانته علومك من قديم مقولة

=عبدالله ابن عتقان:
=والنعم والله بالحروب أهل الوفاء طول الزمان
=وانا بعد في وقفتي ماني ضعيف ولا جبان
=ربوعي السلمان اهل تاريخ والخال قحطان
=اقولها واللي عقد روس الحبال يحلها

كيس الذرة غلب على كيس الشعير..=..وإليا هرجتوا وان سكتوا مشكله

وتحياتي للجميع..