ملتقى قبيلة حرب الرسمي - عرض مشاركة واحدة - مرثية في الشاعر الكبير رجاالله المحمدي -رحمه الله-

06-10-07, 04:03 AM


	والذي يعتبر من شعراء حرب البارزين والذين خدموا القبيله في مياديين الشعر وأضافوا الكثير وكان فخراً لقبيلتنا وتميز شعره ــ رحمه الله ــ بعذوبته وقوته وهو من الرجال الذين يندر وجودهم في هذا الزمن لما عرف عنه لرجاحة عقله وحكمته وشهامته وقد آلامني فراقـــه لأنه كان نعم الأخ والصديق الوفــي وقد كان ولايزال في الذاكره والقلب رحمك الله يارجا الله رحمتاً واسعه وادخلك فسيح جناته

أربع ليالي وأنا كني بغيبوبه= أمضيتهن من حساب الصم الأبكامي
أجلس مع الناس مدري وش تحكوبه = والصدر كنه يفجر فيه الألغامي
فجيعتن في ماتأثيرها دوبه = بفقيتن ماتعوض فيها الأيامي
لو قلت مؤمن بحكم الله ومكتوبه= =ماظني القلب يبرى جرحه الدامي
مرحوم يااللي ثلاث خصال عذروبه= زود الصخاء والوفاء والمنطق السامي
أصخى من اللي يلوحه البرق بنصوبه = وأقطع من السيف لجاء الموقف الحامي
لمن وقت الحمايا حان ماجوبه = دون القبيله يقف بوجيه الأخصامي
هداج تيماء غزارة جم وعذوبه= ولابس من العرف ثوبٍن ضاف الأكمامي
وليا تكلم يشد الفكر بااسلوبه =قوة بلاغه وحكمتْ عقل وألهامي
ليته خذا الموت دونه كل زاروبه =وامهل لواف الخصايل عدت أعوامي
الله يجبر مصيبة من تفاجوبه = ويروف في حالة القصار الأيتامي
ياللي تغفر الذنوب وتقبل التوبه=ترحم رجاالله وتغفر عنه الأثامي
جعله من اللي جهنم عنه محجوبه= في جنة الخلد وأنت خير رحامي
رحمتك با للي ثلاث خصال عذروبه= زود الصخاء والوفاء والمنطق السامي