جعل الحيا يسقي شمال الهديـه=من مبكر الوسمي تجيه النصوبي
تقهر مقاديمـه هبـوب السقيـه=لين يتراكم مثل خشم الهضوبـي
واليا ارتدم نـوه بدبـرت وليـه=يسكر من الشرقي نسيم الهبوبي
يـاذن مكاييلـه عليهـا عشيـه=لين يتعاطن من مطرها الخبوبي
مرباع وضـحٍ فوقهـن محنيـه=معربـاتٍ باصلهـن والنسوبـي
هاذيك من ذيه واذي بنـت ذيـه=سلايلٍ منهن وفيهـن ضروبـي
طوال الرقاب اللي لهـن قابليـه=وضحٍ خزايز يشلعـن القلوبـي
اليا شافهن اللي فاقدلـه رعيـه=ينسى غرام اللي وراها يهوبـي
لادرت وحدتهـن ولا فيصلـيـه=في طول قامتها وعرض الجنوبي
والراس ضافي والطبايـع هديـه=ماحذفوها محـذ فيـن الذهوبـي
يوده لهن ماضي بعيـد النحيـه=عوق الخصيم اليا نفخ باالذروبي
ايً والله افخر فيه وفخـر بزيـه=وافرح بمن مثله بوسط الحروبي
دين وسخا والهام نفسٍ رضيـه=سمح المحياء في لسان عجوبـي
يابو جزاء لاهنـت حقـك عليـه=جيتك بمسياٍر قضى لـي نوبـي
لو كان في خاطرك لـي مثنويـه=من طيب خيمك يا نزيه العيوبـي
واقول خله ديـن والشـي نيـه=دينن عليـه بالحيـاه محسوبـي
ياابن الرجال اللي بوقت اليديـه=عرين اسد ولايـزال مهيوبـي
نطاحة الطابور فـي كـل هيـه=يروون حد مشلشـلات الكعوبـي
مااقولها بعيـال مشعـل زريـه=والعالم اللـي مطلـع بالغيوبـي
يشهد لهم تاريـخ نجـد العذيـه=واهل البخت من طايفات الشعوبي
قصـه نويشـي قصـةٍ عالميـه=عساه عن حام اللهيب محجوبـي
في جاه من شرف مساعي نبيـه=أمين ياغافـر جميـع الذنوبـي