المشاركة الأصلية كتبت بواسطة عضيب بن هليل

هاض الضمير وعبر القاف وانقض=من هاجس يقدا معاني حروفه
ابا اتمثل فيك ياالوجة الابيض=واشكر جميل اللي علي معروفه
ابو سعود اللي على المرجلة حض=من نية المعروف بيض دفوفه
ولاني بحال ملوث القلب لو فض=والا الا الهزيل اللي تحكمة هنوفه
والا البخيل اللي عن الواجبه غض=عقلة يقول ان العرب ماتشوفه
وانا الياشفت الرجل صد واعرض=نفسي عن النفس الردية عزوفه
والمرجله فعلا على موسم وحض=وفيها خسارة مال وايضا كلوفه
يحوشها رجلا على ناجذه عض=لامن وجه الوقت بين كسوفه
لامسه الحمل الثقيل وتنهض=مثل البليهي في مخابط كفوفه
واحدٍ لامسه ثقيل الرحل جض= مثل الحريس اللي تعضعض كتوفه
اللي الياطافت علية يتغمض=اما كبا والا جداه الحسوفه
غريق نوم من منامه توقض=ابليس هدنه لين فرضه يطوفه