لأواوجودي وجد من كأن به شـي=على واحد في الناس ماشوف دونه
أبانشدك ياحي تعلـم عـن الحـي=وأنا لانشدت النـاس مايذكرونـه
تحيلتها مني من الشمس للفي=دخيلك تعلمني بثمرة فنونـه
أنا يعلم اللة ماخلط الجايد بني=ولا اقبل طعام اشوفكم تنكرونه

لا لاوح البراق وين تروح=انته معي ولا مع الثانـي
اخيل البراق ويـن يلـوح=اخيل القاصي مع الدانـي
والديره اللي لي بهامصلوح=ماكنـهـا الادار حيـانـي

الصاحب اللي لفاني وانت يالوح العرب جاك=مابيه مابيه ميـر انـه بحكـم الله بلانـي
لو كان جاني على حينه سجدت وقلت حياك=حياك يالصاحب اللي علـى حينـه لفانـي
ياسين ياسين يابرق الحيا ياسين ياسين=ياسين ياللي من الجمه تروي كل ضامي
حنا مقابيل وانتو ياجواد الخيـر مقفيـن=انتو صدر وردكو وحنا على الجمه حيامي

((قصيدته امام الملك عبدالعزيز رحمهما الله))

يامرحبا عد النجـوم الراسيـات=ياملكٍ أفعاله جـداد وماضيـات
سيله يالو ياطى الجبال الراسيات=مع قدرة المولى يخليها طحيـن

يامرحبا عد الرشاش من المطر=ياملك من بر الحجاز ليا البحر
عبدالعزيز اللي له الملك استقر=بالسيف ولا مالقي مال سبيـل

حوليتيـن ومالنـا بالمثـانـي=ماشفتلي واحد من الربع جاني
ماغير نطلبله فسوح ومهانـي=واللي اغتشاه الحق ماعاد ننحاه
والعلم هاذا حرب ترا مايسيرونه=وليا تبايـن عندهـم ينكرونـه
ياليتكـم ياصحابنـا ترفعونـه=الساير اللي قدامكـم ماسمعنـاه

الليله الليله الليله نبا الطاروق طرق عسير=واللي معه جابه يامن حضر يقلط ويبديبها
الملعبه حايره وان سيروها بالمعاني تسير=مثل الذلول الاديبه ماتمل مـن مصاليبهـا
ياليل ياليل ياليل السعد ليـل حضـره الاميـر=حتى يشوف الطروق الي وسيع العرف جانيبها
ان كان ياللوح لك جنحان انا ليه جناح واطير=وان كان تمشي على رجليك انا رجليه امشيبها
انا واياك يالافي نبى عسفان واهضابه=ديار مابعد حليتها مير انـت راعيهـا
ديار ماتحمـل ياقبيلـي ركـب نجابـه=تسر القلب في ميصالها والعين ترضيها
الى تميت في ها لعلم انا بارد لك جابـه=على هذي وذيك اللي عليها انهار تسقيها
ترا اخيذ القريب شين ماودي اتمضابـه=اللي مادك به هاجوس حطه في حواشيها
حشا لله مادخل بين كسر البيت واطنابه=اخطريها عن المذكور يامشكاي اخطريها
نبى ننحر ديار القوم حيث القوم حرابه=بنى ناخذ ونعطي والغلايب عند واليهـا
شيبت والقلب يالافي بعصر الجهل=والعين مغرات مدري وش اسويبها
الي طرالي خطات الزول بالمحتفل=ريحانه يـدرج الـذاري نبانيبهـا
ماغدا حقوق العباد الا وسيع المهل=ماحد يحب المصيبه عقب تجريبها
احد شكر بالسعه واحد شكـر بالعجـل=مادري على ايات صوب الرجل نمشيبها
الغايه ان التحفظ زيـن قبـل الوحـل=هذي وصايـا مـن العقـال توصيبهـا
الرجل ياللوح الى كمل شروطـه كمـل=ان كان فيمـا ذكـر ياخـذ ويعطيبهـا
قرار ماحد يخلي راس ماله همـل=ندري بها ياوسيع العرف ندريبهـا
واجد فحول الاوادم مير وين الفحل=اللي ليا غلقـت يفتـح لواليبهـا
بعض الاوادم كما وادي محسر مزل=ماكل من درهمت وجناه يمسيبهـا
عطيتني جابه ماقول فيهـا زلـل=ودي طروق العرب مثلك واغنيبها
العارفه عارفه فهـم بـرد المثـل=اليا بغا طرقة يجـزم ويمشيبهـا
الطارش اللي لفاني وانت يالوح السعد جاك=والله مابيه ميـر انـه بحكـم الله بلانـي
لو هو على حزيته فزيت فيه وقلت حيـاك=بالطارش اللي تعنالي من الغربـه وجانـي
يالافي اصبر على القدره وما يرضيني ارضاك=ماهوب انا وانت مشاي على قاصـي ودانـي
من طال عمره يشيب وخل راس العلم يقراك=لياك تجزع وانا ما اجزع وخير العمر فانـي

اصبحت انا اليوم ضايق وشرهان=من يـوم عـوف تـردد عليـه
لولا حماتـي مـن اولاد بلـدان=كان اكلونـي سـوات الشويـه
ان كان يالعبد ضايق وشرهان=تكويك يالعبد عشريـن كيـه
واما انت يالعبد نشاش ذبـان=جليـس الكلـب ام الجريـه

اوصيك يالورع مني وصايـه=ان كان تاخدها وتتبع هوايـه
وصايه يالورع ماهي غوايـه=ترى الرفيق اللي تحشم وتدراه
الاوله لو تحطها فيـك تفـداه=ولثناك بشينتـه حـول دايـر
قله تفضل يافـلان الفلانـي=ماعاد يبقى للتحشـم مكانـي

جينـا لميعادنـا ذا السنيـنـي=والعميل انتحى والمنزله خاليـه
يالله انك على الدنيا وبقعا تعيني=انته دايم والامـه كلهـا فانيـه