ياعازف الحزن لاتعـزف علـى أوتـاري= أوتاري اصلا ً من الأحـزان معزوفـه !!
خذ باقـي الجـرح ودروبـي ومشـواري= وأجمع سنين العذاب .. وشتت طيوفـه !!
وإذا طواك الحنيـن .. وهـزك الطـاري= وأدركت معنى الغياب .. وحرقة ظروفه !!
إرجـع وتلقـى مكانـك داخـل أنظـاري= في عين ماكـل زول يمرهـا تشوفـه !!
وإن كـان ماهمـك غيابـي ولا أخبـاري= أحلامنا الباقيه .. أضرب بها الطوفـه !!
وأترك لـي الليـل معشوقـي وسمـاري= الليل من خلقته وأنـا أطيـب ضيوفـه !!
لقيـت فـي عتمتـه مايحفـظ أسـراري= ولقى بي الشاعر اللي ضيـع حروفـه !!
ماعمره الوصـل كـان إلـزام وأجبـاري= نهاية الغصب مثـل الشمـس معروفـه !!
ومصير قلب العنا ( غريب الأطـواري )= يمسح بقايا غلاك العـذب مـن جوفـه !!
جرح الهوى والحـزن والليـل وأشعـاري= وانت وتجافيك خمـس أشيـاء مألوفـه !!