صمت الليالي حركته الشفايف = اللي على ثغرك لكلي ينادون
لا صار هرجك من ملوك الطوايف = يلعن أبو ثغرٍ حمل ظلم شارون
لا صرتي أنتي و المشاعر ولايف = أنا أشهد إن الحب بيكون فرعون
يا صورة الفرحه بأحاسيس خايف = و تنهيدة الرحمه على صدر مطعون
دام الحسن و الزين عدوا وصايف = أنتي الجمال اللي إنخلق منه الكون
و مدامك انتي ديرتي و المصايف = باقي النسا فقر و مجاعه و طاعون
المملكه أنتي و أنا صرت نايف = و إرهاب حسادك على إيدَيّ مدفون
لا شك أنا شايف و شايف و شايف = إن الزمن أصبح لعينك أفلاطون
و إن الغرام بهالزمن صار خايف = ما دامك أنتي من سلالة نابليون