هذه القصيدة قلتها في إنسان بعيد عنكم
وهو الإنسان الذي يأخذ ويتدين من الناس ولا يرد حقوقهم
يا لله يلي خــالق الكـــون كلـــه= يا خالق الإنسان من صافي الطيـن
ياللي جـــعلت المغفرة لكل زلة= تغفر ذنوب اللي من الناس مخطيـن
لكـــن بعـــض الناس للناس عــله=حتى ولو تسقيه ورد السلاطيـــــن
تعطيه لاقابلك بالهرج فـــــــله =وتقول هذا الصاحب الوافـي الزين
ولامن عطيته تدوره في محـــله= تلقاه راق كما يروق أبو حصيــــن
يقضي حياته كل أبوها مـــــذله=لاقلت حقي قال بعديـن بعديــــن
يخاف بعض أحيان من شوف ظله= يحسبه ديان ٍ يــــــدور على دين
بالله هذا إنسان وش عايش له=يسلب وينهب من فلوس المساكين
لاطاح بين الناس محــــداً يقـــله=حمله ثقيل وكلهم عنـــــــه مقفين
هذي نهايه مــــن أكل مال خله= وبالاخره تلقاه خفيف المـــوازيـن
ورحيل عـــــن الدنيا بدين ومله=أخير من عيـــش بــــدنيا بلا ديـن