عد مالبا الحجيج و عد ماصلى المصلي= مرحبا باللي لفو من كل صوب و كل ديره
ياحبيب لاتحط العالمي جنب المحلي=مايصير إنا نساويهن بالايام الاخيره
عد ماهلت هماليل الخيال المستهلي= البقاء ياحرب فايا منطقه فوق الجزيرة
لاتحذرني ياراشد كان عندك علم قلي=العرب كلاً على ماطاب له يشعب بعيره
إقلطوا حياكم الله خلو الشكه تولي=واعتبرني فازعٍ لك فالسلاح و فالذخيره
ليش ما أحذرك ياحبيب مادامك صاحبٍ لي= أستجدت ياطويل العمر حاجاتٍ كثيره
البيوت بيوت ربعي و المهلي مايولي=وأن فزع راشد معه بندق عسى فالامر خيره
أن رفعنا الصوت واجد جفل المال المفلي=و أن خفضنا الصوت صاب الشك عميان البصيره
لاتروح بعيد بس أمسك يدي و أجيك كلي= دربنا واحد مادام الارض كورة مستديره
ارفعنا الصوت عودنا على ياطير ياللي=و أن خفضنا الصوت يطرح واحدٍ مافيه غيره
بين مكه و المدينه فيه رجمٍ مستقلي= ياعسى بين الحناكيه و عرجاء فيه غيره
الحلاوه ماتمرر و المراره ماتحلي= و أن دعاء الميقاف طش البشت ياشيخ العشيره
أنت تنشني عن الضلعان و الحيد المطلي= ماتغير شي و أنتم لاتبيحون السريره
ياحبيب صاحبي وش طول ضلك جنب ضلي=أنت ضلك متر لكن قامتك ماهي قصيره
لاتعلمني و أنا أدري عنك و أنا في محلي= الجمل طبعاً جمل معروف و الحمله كبيره