يا بن العسيلي ما بكم كـل معيـوب=حاشا ولا فـي طيبكـم مـا يعابـه

ودياركـم حامينهـا بكـل مسلـوب=باللـي غزاهـا مشرعيـنٍ ذبابـه

ياهل السّبايا اللي لها الاصل منتوب=معمّقـات مـن عصـور الصحابـه
سلايل من فوقها الحـرب لحـروب=دايم علـى الـرّدات عـوج رقابـه
وان جا نهار مشعل الحرب مشبوب=فانتم على الطّوعات مثـل الذيابـه

من السّديري ماركـم فيـه مكتـوب=عبارت تطلق وجه من هـو كتابـه
كتـاب تمليتـه وقرّيتـه حــروب=واشهدتهم واقـع خطـاه وصوابـه
لاشك ماحصّلـت بالخـط عـذروب=مافيه موضوع عـن الزّيـن شابـه
كلامـه الطّيـب قفـل كـل دالـوب=جميـع دالـوبٍ عنـه صـك بابـه
واجاب على كـل ماكـان مطلـوب=فهـم سؤالـي واعتنـى بالاجابـه
اجابةٍ تفتح لهـا صـدور وقلـوب=وتغلق لها ابـواب عليهـا رقابـه
سلم وغنم من قام في كـل ماجـوب=وجاب الكلام اللي حسبنـا حسابـه
محمد فداك من المـلا كـل زاروب=اللي صلاحـه مـا يعـادل خرابـه
حقّك عليّه مانسـب العلـم مقلـوب=وحقّي عليك الصّدق في كـل جابـه
لو كل علـم يـم حاكيـه منسـوب=وترجع مناقيده علـى اللـي حكابـه
لاشك احب الصدق والصدق مرغوب=عند الرجال اهل الشرف والمهابـه
واصاحب اللي صحبته مابها عيوب=واجفى الجناب اللـي يملّـه جنابـه
واجنّب اللي كـل ماحتجتـه يـذوب=ويروح ضحضاحٍ تلاشـى سرابـه
تذهب مواعيده مواعيـد عرقـوب=ادراج ريـح الله يخيّـب شبـابـه
وللي لبس لي بالصداقه ميّـة ثـوب=ماهـو صديـق ولا هبابـي هبابـه
هذا كلام اللي بـدا راس مشـذوب=راس الطّويل الـي تقطـع سرابـه