سر ياقلم واكتب من البال هاجوس= صدري تحرجبه وقلبي سجابه
القلب من فرقاك يالدار محموس=قلبي بمحماس الشقرتي قلابه
ذيب(ن) على رزقه من الدار مركوس=حكم (ن) معمم في جميع الذيابه
كم ديرة (ن) فيها تمريت مضروس=أقنب شروق الشمس وأقنب غيابه
ماودي الهجعات والحال ملبوس = من ثوب خيطه العجز وبزه معابه
ما دام هذا الجسم بالروح ملموس= رزقي على ربي وجهدي ثوابه
شامي إذا ما الشام بالخير محسوس= وشرقي إذا ما الشرق فوقه سحابه
واليوم معنا شهاب بالعلم مقبوس=نور وبصيره والعسل من وقابه
هذي احلبان إلنا بها شرح ودروس=في صرحها نعطي من العلم جابه
لكن قلبي يمت الدار محبوس=في كل يوم ازيد شعلت شهابه
يادار مكه حبكي حب مغروس=يسقى من الشريان غالي شرابه
كل الدروب اللي على غيرك ادروس= ودربك على قدمه جديد(ن) رحابه
حي الديار اللي بها طيب انفوس=أهلي وحياني وربعي عصابه
وختامها صلوا على خير ناموس=محمد المختار وجمع الصحابه