يامعرب الأعمام والخال والجـد = ياسيفي اللي يرهب الضد حـده
حر قطامي يشبع النـزل لاهـد = لاشافه التبع انتحى عـن مهـده
انته تغلى او مقصدك بالجفى صد = قلي ترى عن لـذة النـوم مـده

اللي بنى بيني وبينك حسد سـد = لعل ربـي بـاب رزقـه يسـده
جعله على يبغضه غصب ينحـد = على بخيـل (ن) مايـوده يحـده
اليا طق بابه مافتح عـاد لـه رد = واليا فتـح بابـه بخيبـه يـرده
يمـر عمـره للبخيـل يـتـردد = ويرجع تردد دمعته فـوق خـده
ويعيش بالدنيـا حيـاة المشـرد = عقب الغنـاه يمـد للنـاس يـده
وبين البهايم والبشر مالـه مـود = مهوم مـذوم مـن اعيـال جـده
وان مات جعله قبل مايموت يرتد = وابليس عن نطق الشهاده يلـده
زاد الجروح بروحي اجروح اجدد = ادعو معي يأهل القلوب المـوده
جعله على سكت قطار الحسى يمد = وتاطا على جسمه معده 0 معـده

يا بو روان اليوم بصغي لك الخد = أبشر بعزك وإطلب اللي توده
والله ثم والله لا أقفي ولا أصد = ومن راح مقفي جعل مالله يرده
كل الرسايل يا السنافي لها رد = انا تراني بين هاته ووده
خذني يمينك يالحسام المهند = حامي وطيس القوم صده ورده
وان كانها توخذ على محمل الجد = مثلك ترانا بالمعزه نوده
يالقايدي كانك عن الحال تنشد = انا تراني بديار(ن) مصده
صبرك على بس شهرين وارد = ونغوص انا وياك جزره ومده